<p><strong>Ukraynada tezliklə yeni hərbi birləşmə yaradılması ilə bağlı fərman imzalanacaq. </strong></p><p><span class="red"><a target="_blank" href="https://axar.az">Axar.az</a></span> xəbər verir ki, bu barədə Ukrayna Milli Təhlükəsizlik və Müdafiə Şurasının katibi Aleksey Danilov məlumat yayıb.</p><p>"Sözügedən qərar iclasda iştirak edən 21 üzv tərəfindən yekdilliklə qəbul edilib. Düşünürəm ki, bu barədə Prezident tezliklə fərman imzalayacaq", - deyə Danilov bildirib.</p>
<p><strong>SOCAR Rusiyanın "Rosneft" şirkəti ilə Ukrayna, Polşa, Baltikyanı ölkələr və Şərqi Avropanın digər ölkələrinə neft məhsullarının ixrac hüququ barədə müqavilə imzalayıb.</strong></p><p><span class="red"><a target="_blank" href="https://axar.az">Axar.az</a></span> xəbər verir ki, bu barədə SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov "RİA Novosti"yə açıqlamasında bildirib.</p><p>"SOCAR beynəlxalq neft və qaz ticarətində mövqeyini gücləndirmək niyyətindədir", - SOCAR rəsmisi deyib.</p><p>Müqaviləyə əsasən, Azərbaycan "Rosneft" məhsullarını Ukraynaya ixrac etmək hüququ əldə edib.</p><p>İ.Əhmədov hazırda tədarük həcmi və vaxtının müzakirə edildiyini vurğulayıb.</p>
<p><strong>Ukrayna Avropanın bir parçasıdır. Ukraynalılar avropalıdır. Bu, coğrafi olaraq da ortaq dəyərlərimiz baxımından belədir. Biz bunu meydanda sübut etdik və hər gün dövlətimizi dəyişdirərək, müstəqilliyimizi və gələcəyimizi quraraq Avropanın şərq sərhədlərini qorumaqla bunu bir daha sübut edirik.</strong></p><p><span class="red"><a target="_blank" href="https://axar.az">Axar.az</a></span> xəbər verir ki, bunu Ukrayna Prezidenti Vladimir Zelenski Tvitter hesabında yazıb.</p>
<p><strong>Votsapda bu gündən başlayacaq məhdudlaşdırma ilə bağlı Feysbuk şirkəti rəsmi açıqlama verib. </strong></p><p><span class="red"><a target="_blank" href="https://axar.az">Axar.az</a></span> xəbər verir ki, açıqlamada bildirilib ki, ilk növbədə böyük dəyişikliklər gözlənilmir. Başqa sözlə, yeni müqaviləni təsdiqləməyənlər üçün hesab bloklaması kimi böyük addımlar atılmasa da, istifadəçilər sosial media tətbiqetməsini normal şəkildə istifadə etməyə davam edə biləcəklər. Ancaq gələcəkdə böyük məhdudiyyətlər olacaq.</p><p>"Məhdudiyyətlər fərqli istifadəçilər üçün tədricən başlayacaq. İlk növbədə, məxfilik müqaviləsini təsdiqləmək üçün bütün istifadəçilərə bildiriş göndəriləcək. Votsap gizlilik siyasəti və xidmət şərtləri ilə bağlı yeniləmənin qüvvəyə mindiyi 15 may tarixində "şəxsi mesajlarınızı görə bilmirik" və "hesabınızı silməyəcəyik"", - deyə açıqlamada bildirilib. </p>
<p><strong>Dünyanı narahat edən qlobal problemlərdən biri də iqlim dəyişmələridir. Bu məsələlərə diqqətin artması özünü bir sıra beynəlxalq tədbirlərin, o cümlədən elmi və praktiki konfransların keçirilməsində göstərir.</strong></p><p><span class="red"><a target="_blank" href="https://axar.az">Axar.az</a></span> xəbər verir ki, Milli Hidrometeorologiya Xidmətinin rəis müavini Rafiq Verdiyev planetimizdə orta temperaturun artması ilə bərabər yerli yağıntı trendləri və ekoloji zonaların sərhədlərinn dəyişdiyini, su ehtiyatlarının azalması və buzlaqların əriməsinin müşahidə olunduğunu bildirib.</p><p>Onun sözlərinə görə, iqlim dəyişmələrinə məcburi uyğunlaşma vasitələri adi hala çevrilməkdədir:</p><p>“Son 30 ildə temperaturun artımı 1°C-dən də yüksəkdir ki, bunun nəticəsi olaraq Azərbaycanın su ehtiyatları 10-15 faiz azalıb. Gələcəkdə orta temperaturun 2°C və daha çox artması ssenarilərinə uyğun olaraq su resurslarının paylanmasında fundamental dəyişikliklərə uyğunlaşmaq üçün müxtəlif tədbirlər planlaşdırılır ki, onların icrası nəticəsində gələcəkdə mümkün su defisitlərinin qarşısını kifayət qədər almaq olar”.</p><p>Xidmət rəsmisi qeyd edib ki, mümkün olan uyğunlaşma tədbirlərinə hazırda 40 faizə yaxın olan su itkilərinin azalması üçün fəaliyyətdə olan su təsərrüfatı obyektlərinin yenidən qurulması, yağış suyundan və təmizlənmiş dəniz suyundan istifadə və s. kimi əlavə su mənbələrinin cəlb edilməsi, yeraltı sulardan və sudan təkrar istifadə də daxil olmaqla dövriyyəvi sudan istifadə edilməsi, suya qənaətlə yanaşma, müasir suvarma texnologiyalarının və metodlarının tətbiqi daxildir.</p>
<p><strong>Azərbaycan Respublikasının Fövqəladə Hallar Nazirliyi (FHN) üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.</strong></p><p>FHN-dən <span class="red"><a target="_blank" href="https://axar.az">Axar.az</a></span>-a verilən məlumata görə, nazirliyin “112” qaynar telefon xəttinə daxil olmuş zənglər əsasında Nazirliyin aidiyyəti qurumları tərəfindən ötən sutka ərzində 33 yanğına çıxış, 3 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib. Görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.</p><p>Ümumilikdə, ötən sutka ərzində 5 nəfər xilas edilib, 4 nəfər təhlükəsiz əraziyə təxliyə olunub, 6 nəfər yanıq xəsarəti alıb, həmçinin Nərimanov rayonunda dördmərtəbəli yaşayış binasının sonuncu mərtəbəsinin eyvanından daş parçasının asılı vəziyyətdə qalması ilə əlaqədar ərazidə xilasedicilər tərəfindən müvafiq təhlükəsizlik tədbirləri görülüb və daş parçası götürülərək təhlükə aradan qaldırılıb.</p><p><iframe allow="accelerometer;" autoplay; clipboard-write; encrypted-media; gyroscope; picture-in-picture" allowfullscreen="" frame height="415" src="https://www.youtube.com/embed/y3kMTLzbQP4" title="YouTube" video player" width="650"></iframe></p>
<p><strong>Türkiyə Hərbi Hava Qüvvələri İraqın şimalında terrorçuların mövqeyinə zərbə endirib.</strong></p><p><span class="red"><a target="_blank" href="https://axar.az">Axar.az</a></span> xəbər verir ki, bu barədə Türkiyə Milli Müdafiə Nazirliyi məlumat yayıb.</p><p>“İraqın şimalındakı Metina bölgəsində keçirilən “Pəncə-İldırım” əməliyyatı nəticəsində Hərbi Hava Qüvvələrimiz tərəfindən 3 PKK terrorçusu zərərsizləşdirilib. Ümumilikdə zərərsizləşdirilən PKK terrorçularının sayı bununla 82-yə çatıb”, - məlumatda bildirilib.</p><p>Qeyd edək ki, “Pəncə-İldırım” əməliyyatı aprelin 24-də başlayıb.</p>
<p><strong>Dövlət Sərhəd Xidmətinin (DSX) Göytəpə şəhərində yerləşən hərbi hissəsində gənc əsgərlərin andiçmə mərasimi keçirilib.</strong></p><p>DSX-nin Mətbuat mərkəzindən <span class="red"><a target="_blank" href="https://axar.az">Axar.az</a></span>-a verilən məlumata görə, gənc əsgərlər təntənəli şəkildə hərbi anda gətirildikdən sonra Dövlət Sərhəd Xidməti rəisinin müavini general-leytenant Azad Ələkbərov çıxış edərək Dövlət Sərhəd Xidmətinin rəisi general-polkovnik Elçin Quliyevin təbrik telefonoqramını çatdırmışdır.</p><p>Çıxışda gənc əsgərlərin Dövlət Sərhəd Xidmətinin heyəti sırasına daxil olduqları dövrün Azərbaycan Sərhəd Mühafizəsi tarixinin şərəfli dövrünə təsadüf etdiyi vurğulanmış, Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı cənab İlham Əliyevin rəhbərliyi altında Azərbaycan Respublikasının Silahlı Qüvvələri tərəfindən həyata keçirilmiş əks-hücum əməliyyatları nəticəsində ölkəmizin ərazi bütövlüyünün bərpa olunduğu, Vətən Müharibəsinin Azərbaycan Respublikasının Ermənistan üzərində parlaq qələbəsi ilə başa çatdığı, işğaldan azad edilmiş dövlət sərhədlərimizin müdafiəsi və mühafizəsi üzrə zəruri infrastrukturun yaradılması istiqamətində işlərin davam etdirilməsi bildirilib.</p><p>Tədbirdə Vətənə, dövlətə sədaqət andı içərək müqəddəs sərhədlərimizi şərəflə qorumaq məsuliyyətini öz üzərinə götürən gənc əsgərlərin hərbi anda daim sadiq qalacaqlarına əminlik bildirilərək onlara müvəffəqiyyətlər arzulanıb.</p><p>Mərasim gənc əsgərlərin təntənəli marşla tribuna önündən keçidi ilə başa çatıb.</p>
<p><strong>Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin göstərişinə əsasən azad olunmuş ərazilərdə dislokasiya olunan hərbi hissələrdə tikinti-quruculuq işləri davam etdirilir.</strong></p><p>Müdafiə Nazirliyindən <span class="red"><a target="_blank" href="https://axar.az">Axar.az</a></span>-a verilən məlumata görə, müdafiə naziri general-polkovnik Zakir Həsənov müxtəlif bölgələrdə yerləşən yeni inşa edilmiş bir neçə hərbi hissənin açılışında iştirak edib.</p><p>Şəxsi heyətin döyüş hazırlığının səviyyəsini yoxlayan nazir döyüş qabiliyyətinin artırılması ilə bağlı komandanlıq qarşısında müvafiq tapşırıqlar qoyub.</p><p>Müdafiə nazirinə məruzə olunub ki, müasir avadanlıq, mebel və inventarlarla təchiz olunmuş müxtəlif təyinatlı qurğulardan ibarət bu komplekslər hərbi qulluqçuların bütün zəruri ehtiyaclarını tam təmin edir. Bu hərbi hissələrdə silah otağı, yataqxana, yeməkxana, mətbəx, tibb məntəqəsi, ərzaq və əşya anbarları, hamam-sanitar qovşağı mövcuddur. Ərazinin fasiləsiz elektrik enerjisi ilə təmin olunması məqsədilə generatorlar quraşdırılıb.</p><p>Şəxsi heyətin döyüş və mənəvi-psixoloji hazırlığını yüksək qiymətləndirən Müdafiə naziri xidmətdə fərqlənən bir qrup hərbi qulluqçunu qiymətli hədiyyələrlə təltif edib. Sonra Müdafiə naziri şəxsi heyətlə birgə nahar edib.</p><p>General-polkovnik Z.Həsənov azad edilmiş ərazilərdə dislokasiya olunun hərbi hissələrin şəxsi heyətinin sosial-məişət şəraitinin daha da yaxşılaşdırılması məqsədilə müvafiq tapşırıqlar verib.</p><p>Qeyd edək ki, indiyədək azad olunmuş ərazilərdə müxtəlif istiqamətlərdə 20 modul və konteyner tipli hərbi hissə istifadəyə verilib.</p><p><iframe allow="accelerometer;" autoplay; clipboard-write; encrypted-media; gyroscope; picture-in-picture" allowfullscreen="" frame height="415" src="https://www.youtube.com/embed/CRvgRLqyVaM" title="YouTube" video player" width="650"></iframe></p>
<p><strong>İsrail və Fələstin arasındakı qarşıdurma davam edir. </strong></p><p><span class="red"><a target="_blank" href="https://axar.az">Axar.az</a></span> xəbər verir ki, bu gün İsrailə məxsus döyüş təyyarələrinin Qəzzanın qərb hissəsindəki Şati qaçqın düşərgəsinə təşkil etdiyi hücum nəticəsində əksəriyyəti uşaq olmaqla, daha 10 fələstinli şəhid olub.</p><p>Xatırladaq ki, hücumlar nəticəsində 10 maydan bu günə qədər 139 fələstinli şəhid oldu, 950 fələstinli yaralanıb.</p>
<p><strong>Türkiyənin "Türk Hava Yolları" şirkəti İstanbuldan Gəncə və Naxçıvana uçuşları bərpa edib.</strong></p><p><span class="red"><a target="_blank" href="https://axar.az">Axar.az</a></span> xəbər verir ki, "Türk Hava Yolları" şirkətinə məxsus təyyarə bu gün səhər saatlarında Gəncə Beynəlxalq Hava Limanında qarşılanıb.</p><p>Qarşılanma mərasimində Gəncə Şəhər İcra Hakimiyyəti başçısının birinci müavini Səməd Tomuyev, Türkiyənin Gəncədəki Baş Konsulu Zeki Öztürk və "Türk Hava Yolları"nın Gəncədəki nümayəndəsi Cabir Peçe iştirak ediblər.</p><p>Gəncə Şəhər İcra Hakimiyyəti başçısının birinci müavini Səməd Tomuyev İstanbul-Gəncə-Naxçıvan reysinin 14 aylıq vasilədən sonra bərpa olunması münasibətilə Türkiyənin Gəncədəki Baş Konsulu Zeki Öztürk və "Türk Hava Yolları"nın nümayəndələrinə şəhər rəhbəri Niyazi Bayramovun təbriklərini çatdırıb. O bildirib ki, Gəncənin yerləşdiyi coğrafi mövqe olduqca əlverişlidir.</p><p>Azərbaycanın işğal altında olan ərazilərinin azad edilməsi, 2021-ci ilin “Nizami Gəncəvi ili” elan olunması və ümumilikdə Qərb bölgəsinin turizm potensialının günü-gündən inkişaf etməsi bölgəyə gələn turistlərin sayına müsbət təsir edəcək. Sözügedən reys sadəcə Gəncəyə yox, ətraf ərazilərə səfər edəcək olan turistlərin də işini asanlaşdıracaq.</p><p>Türkiyənin Gəncədəki Baş Konsulu Zeki Öztürk bildirib ki, tarixi dostluq, qarşılıqlı etimad, səmimi münasibətlər və yüksək səviyyəli əməkdaşlıq əsasında qurulan Türkiyə-Azərbaycan əlaqələri daim genişlənir. Məlum olduğu kimi, Azərbaycan Respublikasının vətəndaşları diplomatik, xidməti və ümumvətəndaş pasportları, eləcə də Azərbaycan vətəndaşının biometrik şəxsiyyət vəsiqəsi əsasında Türkiyə Respublikasına vizasız şəkildə səyahət edə bilərlər. İstanbul-Gəncə-Naxçıvan reysi Azərbaycan vətəndaşlarının Türkiyəyə, Türkiyədən də dünyaya çıxışını təmin edəcək.</p><p>Qeyd edək ki, İstanbul-Gəncə-Naxçıvan reysi həftədə iki dəfə - çərşənbə axşamı və şənbə günləri həyata keçiriləcək. Uçuşlar pandemiya qaydalarına riayət olunmaqla təşkil ediləcək.</p>
<p><strong>Ukrayna polisi ölkəmizin Kiyevdəki səfirliyinə məxsus saxta nömrə ilə avtomobili idarə edən şəxsi aşkarlayıb.</strong></p><p>Bu barədə <span class="red"><a target="_blank" href="https://axar.az">Axar.az</a></span>-a Ukrayna Milli Polisindən məlumat verilib.</p><p>Təxminən bir ay öncə “Kiyev Operativ” saytı Azərbaycan Respublikasının Daxili İşlər Nazirliyinin ölkəmizin Ukraynadakı səfirliyi nəzdindəki nümayəndəliyinə məxsus D 041 005 nömrə nişanlı avtomobilin yol qaydalarını kobud şəkildə pozmaqda və xidməti avtomobili insanların üzərinə sürməkdə günahlandırıb. Bu məlumat yayılandan dərhal sonra Azərbaycanın Ukraynadakı səfirliyi bu ölkənin müvafiq qurumlarına müraciət edərək səfirliyə məxsus saxta nömrə ilə idarə olunan avtomobilin tapılmasını istəmişdi.</p><p>Səfirliyin və DİN-in Ukraynadakı nümayəndəliyinin təkid və tələbindən sonra Azərbaycan diplomatik korpusuna məxsus saxta nömrə nişanı ilə avtomobili idarə edən şəxs saxlanılıb. Bu şəxsin Levan Revazoviç Çexani olduğu müəyyən edilib. İlkin araşdırma zamanı onun avtomobilindən D 041 005 nişanlı saxta nömrə götürülüb.</p><p>Onu da qeyd edək ki, Kiyevdə saxta diplomat nömrəsi ilə avtomobillərin idarə edilməsi halları əvvəllər də aşkarlanıb. Hazırda faktla bağlı araşdırma aparılır, istintaqın nəticələri barədə əlavə məlumat veriləcək.</p>
<p><strong>Çinin marsın kəşfi üçün göndərilən "Zuronq" adlı qurğusu qırmızı planetə eniş edib.</strong></p><p><span class="red"><a target="_blank" href="https://axar.az">Axar.az</a></span> xəbər verir ki, bu barədə Çin Milli Kosmik İdarəsi məlumat yayıb. </p><p>"Atəş Tanrısı" adlanan bu qurğu Marsın səthində kəşfiyyat və araşdırma aparacaq. Qurğu üzərindəki yüksək pikselli kameralar vasitəsilə Marsdan görüntülər göndərəcək.</p><p>Qeyd edək ki, ABŞ və Rusiyadan sonra Çin Marsa kəşfiyyat qurğusu yollayan üçüncü ölkə oldu.</p>
<p><strong>Şirvan Şəhər Polis Şöbəsinin (ŞPŞ) əməkdaşları tərəfindən keçirilən əməliyyat-axtarış tədbirləri nəticəsində Azərbaycan Respublikası Cinayət Məcəlləsinin 144.2.3. (adam oğurluğu - bir qrup şəxs, qabaqcadan əlbir olan bir qrup şəxs və ya mütəşəkkil dəstə və ya cinayətkar birlik (cinayətkar təşkilat) tərəfindən törədildikdə;) maddəsi ilə axtarışda olan Şirvan şəhər sakini, 58 yaşlı Nəzərov Eyvaz Mehti oğlu Abşeron rayonu Xırdalan şəhəri ərazisində və qohumu, eyni maddə ilə axtarışda olan Cəlilabad rayon sakini, 33 yaşlı Hüseynov İmran Ələşrəf oğlu Bakı şəhəri ərazisində saxlanılaraq ŞPŞ-nin İstintaq Bölməsinə təhvil veriliblər.</strong></p><p>DİN-in Mətbuat xidmətindən <span class="red"><a target="_blank" href="https://axar.az">Axar.az</a></span>-a verilən məlumata görə, E.Nəzərov cari ilin fevral ayında qohumu İmran Hüseynov və tanışı Rahil Manafov ilə qabaqcadan əlbir olaraq Şirvan şəhəri ərazisində baş vermiş adam oğurluğu hadisəsini törədib.</p><p>Dəstənin üzvü, Hacıqabul rayon sakini Manafov Rahil Sahil oğlu cinayət hadisəsinin törədilməsindən bir müddətdən sonra tutularaq məsuliyyətə cəlb olunub.</p>
<p><strong>Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva mayın 15-də Qəbələ rayonuna səfərə gəliblər.</strong></p><p><span class="red"><a target="_blank" href="https://axar.az">Axar.az</a></span> xəbər verir ki, dövlətimizin başçısı İlham Əliyev, birinci xanım Mehriban Əliyeva və qızları Leyla Əliyeva xalqımızın ümummilli lideri Heydər Əliyevin Qəbələ şəhərində ucaldılmış abidəsini ziyarət edərək önünə gül dəstəsi qoyublar.</p>
<p><strong><span class="red"><a target="_blank" href="https://axar.az">Axar.az</a></span> Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyevin müsahibəsini təqdim edir:</strong></p><p><strong>- Qüdrət bəy, ABŞ Dövlət Departamenti sərhədçilərimizin Laçın rayonunda Ermənistanla dövlət sərhəddinə yerləşdirilməsini “mübahisəli ərazilərdə qoşunların hərəkəti məsuliyyətsiz və təxribat xarakterli addımdır” kimi qiymətləndirib. Açıqlamaya münasibətinizi bilmək istərdik.</strong></p><p>- Bu tipli açıqlama məsuliyyətsiz və təxribat xarakterilidir. Mən öncə də söyləmişdim ki, nəinki biz, bütün dünya ABŞ-ın yaşlı və ermənipərəst prezidenti Baydenin, o cümlədən hazırlıqsız və ermənipərəst Kamala Harrisin bu tipli bəyanatları ilə tez-tez üzləşəcəyik. Söhbət həm də təkcə bu şəxslərlə bağlı deyil. Ümumiyyətlə, ABŞ dünyada beynəlxalq hüquqa, haqqa və ədalətə söykənən xarici siyasət yürüdə bilmir. Bunun əksi olsaydı, biz münaqişələrsiz, qansız bir dünyada yaşayardıq. O zaman 44 günlük savaş da olmazdı, minlərlə gənc həyatını itirməz və ABŞ-ın bütün etik çərçivəni aşan bəyanatı da olmazdı. Amma 1989-1994-cü illərdəki birinci Qarabağ savaşı zamanı ABŞ rəsmiləri həm üç-beş erməninin səsinə və puluna görə, həm də xristian həmrəyliyindən çıxış edərək təklənmiş, torpaqları işğal olunan, Xocalıda soyqırıma, Ermənistanda və Qarabağda etnik təmizləmə siyasətinə məruz qalan xalqımızın səsinə səs vermədilər. Hətta torpaqlarından, ev-eşiyindən didərgin salınmış bir milyon qaçqına düzəmməlli humanitar yardım da göstərmədilər. Qaçqınların bir qismi bu gün də acınacaqlı bir həyat yaşayır. Əksinə Bayden başda olmaqla “Azdalığa Yardım Aktına” 907-ci düzəlişi etməklə Azərbaycana sanksiya tətbiq olunmasına, işğalın genişlənməsinə nail oldular. Ermənilər torpaqlarımızı işğal etdikcə beynəlxalq birlik qarşısında sifətlərini qorumaq üçün, riyakarcasına BMT Təhlükəszilik Şurasında (TŞ) dörd dəfə işğal olunmuş ərazilərin qeyd-şərtsiz azad olunmasına dair qərar qəbul etdilər, amma işğalçıdan torpaqları azad etməyi tələb etmədilər. Ona görə də TŞ-nın hər qərarından sonra ermənilər yeni bir rayonumuzu işğal etdi. ABŞ Qarabağdakı separatçı rejimə özünün bəyan etdiyi dəyərlərə tüpürərək hər zaman maliyyə yardımı ayırıb. Budur ABŞ-ın siyasətinin əsl mahiyyəti. ABŞ bu tipli siyasəti ilə dünyada demokratiyaya və hüququn aliliyinə böyük zərbə vurub.</p><p><strong>- 1993-cü ildə Surətin kiçik bir dəstəsi qarşısından qaçanlar dünən ABŞ-dan sosial şəbəkə üzərindən yayımlanan verlişdə Azərbaycan hökumətini ittiham edirdilər ki, niyə Ermənistanla razılaşmadan sərhədə DSX əsgərlərini göndərib. Bu barədə nə deyə bilərsiniz?</strong></p><p>- Bu cür cəsarətsiz, hələ də yetkinləşə bilməmiş, kiçik qisasçılıq hissi ilə yaşayan qərəzli adamlar vaxtilə dövlətimizə çox böyük zərbə vurublar. Azərbaycan dövləti sərhədlərimizi bərpa etməlidir, kimin nə deməsindən asılı olmayaraq. İstəyiriksə ki, ermənipərəst və xiristian həmrəyliyindən çıxış edən dövlətlər bizi tərifləsin, onda torpaqlarımızı Ermənistana verməliyik. Torpaqlarımızı istəyiriksə xarici təzyiqlərə boyun əyməməli, müqavimət göstərməliyik.</p>
<p><strong>1920-ci ildə Fransanın paytaxtı Parisdə nəşr olunan “L&#39;Œuvre” qəzetində: "Rusiya Zəngəzuru erməniləşdirdi" başlıqlı bir yazı dərc olunub.</strong></p><p><span class="red"><a target="_blank" href="https://axar.az">Axar.az</a></span> xəbər verir ki, yazıda 1920-ci il iyulun 1-də Sovet Rusiyası Ermənistan Respublikası ilə Azərbaycanın tatarlar (azərbaycanlılar) yaşayan bölgəsinin Ermənistana verilməsi haqqında müqavilə imzalandığı qeyd olunub.</p><p>Qeyd edək ki, tarixi Azərbaycan torpağı olan Zəngəzur Azərbaycan xalqının iradəsi və rizası olmadan Ermənistanın kommunistləşməsi qarşılığında RSFR tərəfindən bu ölkəyə beynəlxalq hüquqa zidd olaraq qanunsuz şəkildə verilib.</p>
<p><strong>İran parlamentinin keçmiş sədri Əli Laricani 18 iyunda keçiriləcək 13-cü prezident seçkilərinə namizədliyini irəli sürüb.</strong></p><p><span class="red"><a target="_blank" href="https://axar.az">Axar.az</a></span> xəbər verir ki, Laricani jurnalistlərə açıqlamasında ölkənin problemlərinin populist addımlarla həll oluna bilməyəcəyini deyib.</p><p>O, seçkilərə mühafizəkar və ya islahatçı qanadın dəstəyi ilə deyil, müstəqil olaraq qatılacağını, hökumətinin Prezident Həsən Ruhaninin davamçısı olmayacağını bildirib</p>
<p><strong>Bakıda keçiriləcək "Jara 2022" Beynəlxalq Musiqi Festivalının tarixləri açıqlanıb.</strong></p><p><span class="red"><a target="_blank" href="https://axar.az/news/kult/">Kult.az</a></span> xəbər verir ki, festivalın sosial şəbəkədəki rəsmi hesabında "Bakıda, Xəzər dənizinin sahilində baş tutacaq "Jara 2022 "nin tarixləri məlum oldu. Sizi 27-31 iyulda gözləyirik!" - deyə, qeyd edilib.</p><p>Xatırladaq ki, "Jara" ilk yubileyini 23-27 iyun tarixlərində Moskvada, "Lujniki" kompleksinin ərazisində qeyd edəcəkdir.</p>
<p><strong>Çinin Uhan şəhərində mayın 14-də axşam saatlarında güclü qasırğa olub.</strong></p><p><span class="red"><a target="_blank" href="https://axar.az">Axar.az</a></span> xəbər verir ki. qasırğa nəticəsində 6 nəfər ölüb, 218 nəfər müxtəlif dərəcəli bədən xəsarəti alıb.</p><p>Sürəti saniyədə 24 metrə çatan külək evlərdə, tikintisi davam edən binalarda dağıntılar törədib, xeyli ağacı kökündən qoparıb, kommunikasiya xətlərinə ziyan dəyib. İlkin araşdırmaya əsasən, 27 ev dağılıb, 130 evə ziyan dəyib, elektrik xətlərinin qırılması nəticəsində 26 mindən çox evin elektrik təchizatı dayanıb. Bundan başqa, tikinti sahəsində olan qülləli 2 kranın aşdığı bildirilir.</p>
<p><strong>Müəyyən sayda Rusiya və Ukrayna vətəndaşları ilə yanaşı, bəzi rus şirkətlərinə qarşı sanksiyaların müddətini mayın sonuna qədər uzatdıq.</strong></p><p><span class="red"><a target="_blank" href="https://axar.az">Axar.az</a></span> xəbər verir ki, bunu Ukrayna Milli Təhlükəsizlik və Müdafiə Şurasının katibi Aleksey Danilov deyib.</p><p>O, Rusiyaya tətbiq olunan məhdudlaşdırıcı tədbirlərin müddətinin uzadılmasına qərar verildiyi bildirilib.</p>
