<h1>31 Mart soyqırımından 105 il ötür</h1> <p>Erməni daşnakların bolşeviklərlə birgə azərbaycanlılara qarşı həyata keçirdiyi soyqırımından 105 il ötür.</p> <p><a rel="nofollow" href="https://big.az" title="xeberler" son xeberler 2023" target="_blank">BiG.AZ</a>-ın məlumatına görə, 1918-ci il martın 30-u gecə saatlarında Bakıda başlanan kütləvi qırğınlar 20 minə yaxın günahsız insanın, o cümlədən, çox sayda qoca, <a rel="nofollow" href="https://xanim.az" title="qadinlar" sayti" target="_blank">qadın</a> və uşağın qətli ilə nəticələnib.</p> <p>Martın 30-dan aprelin 2-dək davam edən kütləvi qırğınlarda Stepan Şaumyanın rəhbərlik etdiyi erməni bolşevik dəstələri Bakıda minlərlə insanı qətlə yetirib, müsəlman ziyarətgahlarını yandırıb, Bakı əhalisinin 400 milyon manatlıq <a rel="nofollow" href="https://tezbazar.az/dasinmaz-emlak-ev-elanlari" title="əmlak" elanları ev elanları" target="_blank">əmlakını</a> müsadirə edib.</p> <p>Kütləvi qırğınlar zamanı şəhərin ən möhtəşəm məscidi sayılan Təzəpir məscidi aramsız top atəşinə tutulub, ermənilər Bakının ən möhtəşəm memarlıq incilərindən olan "İsmailiyyə" binasını yandırıblar.</p> <p>Azərbaycanlılara qarşı həyata keçirilən soyqırımı siyasəti təkcə Bakı şəhəri ilə məhdudlaşmayıb.</p> <p>Martın 31-də erməni daşnakları Şamaxı qəzasının 53 kəndində 8027 azərbaycanlını, o cümlədən, 2560 qadın və 1277 uşağı qətlə yetiriblər. Qubanın 162 kəndində öldürülən günahsız azərbaycanlıların sayı isə 16 mindən artıq olub.</p> <p>Erməni daşnakları Lənkəran, Muğan bölgəsi və Dağlıq Qarabağda minlərlə kəndi yandırıb, on minlərlə insanı vəhşicəsinə qətlə yetiriblər.</p> <p>1918-ci il iyulun 15-də Azərbaycan Demokratik Respublikasının yaratdığı Fövqəladə Təhqiqat Komissiyası bu qırğınlarla bağlı çoxsaylı sənədləri toplayaraq hökumətə təqdim edib, 1919-cu ildə Azərbaycan parlamenti 31 Mart tarixinin Azərbaycanlıların Soyqırımı günü kimi qeyd olunması barədə qərar qəbul edib.</p> <p>Sovet hakimiyyəti illərində bu tarix yaddaşlardan silinsə də, müstəqillik dövründə tarixi sənədlər əsasında 31 mart 1918-ci ildə Azərbaycan xalqının başına gətirilən faciəvi hadisələrlə bağlı çoxsaylı araşdırmalar aparılıb, kitablar dərc olunub.</p> <p>1998-ci il martın 26-da Prezident Heydər Əliyev "Azərbaycanlıların soyqırımı haqqında" fərman imzalayıb. Həmin gündən 31 Mart tarixi Azərbaycanlıların Soyqırımı günü kimi qeyd olunur.</p>
<h1>Messi "Barselona"ya qayıtmaq istəyir</h1> <p>PSJ-nin futbolçusu Lionel Messi "Barselona"ya qayıtmaq istəyir.</p> <p>"Qafqazinfo" xarici mətbuata istinadən <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, futbolçu bunun üçün maaşının azalmasına belə razıdır.</p> <p>Yerli mətbuat bildirilib ki, Messi klubun iqtisadi vəziyyətini anlayışla qarşılayır və buna uyğun maaş almağa hazırdır.</p> <p>Xatırladaq ki, Messi 17 il "Barselona"da oynayıb.</p>
<h1>Öləcəyini öncədən bilən, komadaykən qarət edilən, sevərək ayrılan müğənni kim idi? - VİDEO</h1> <p>Dünən yanıqlı nəğmələri ilə yaddaşlara həkk olunmuş müğənni Şəfa Hüseynovanın doğum günü idi. </p> <p>Şəfa nakam sevginin viran qoyduğu bir ömür idi. Yana-yana yaşadı, yaşaya-yaşaya öldü. "Geri dön" deyib haray çəkdi, ellər duydu, bir tək o daş adam duymadı.</p> <p>Lent.az "Bir ulduz axdı" rubrikasında Şəfa Hüseynovanı xatırlayır.</p> <p>Şəfa Hüseynova 1975-ci ildə Qaraqoyunlu mahalının Qaraqaya kəndində ziyalı ailəsində anadan olmuşdu. 1988-ci ildə ailəsi ilə birlikdə öz doğma el-obasından didərgin düşüb Sumqayıt şəhərinə pənah gətirmişdi. İlk yarasını qaçqın adıyla almışdı Şəfa. Elə ilk nəğmələri də vətən həsrətindən bəhs edirdi.</p> <p>1992-ci ildə Sumqayıtda orta məktəbi əla qiymətlərlə bitirir, Türkiyədə Egey Universitetinin Türk filalogiyası fakültəsinə qəbul olunur. Burada oxuduğu illərdə tələbə yoldaşları ilə birlikdə asudə vaxtlarında konsert proqramları təşkil edir, gözəl səsi ilə türk tamaşaçılara Azərbaycan <a rel="nofollow" href="https://mp3.yenixeber.az" title="mahnı" saytı mp3 yüklə" target="_blank">mahnı</a>ları oxuyur, əldə etdiyi gəliri o dövrdə fəaliyyət göstərən Qarabağa Xalq Yardımı Cəmiyyəti Fonduna köçürürdü. Uzaqlarda olsa da, o zamanlar çətin günlərini yaşayan Azərbaycan üçün əlindən gələni etməyə çalışırdı.</p> <p>Vətəndən uzaqda çox qala bilmir, 1993-cü ildə vətənə qayıdır və təhsilini Bakı Dövlət Universitetində davam etdirir. Ali məktəbi bitirdikdən sonra filoloq kimi davam etmək istəmir, özünü bütünlükdə musiqiyə həsr edir. Müxtəlif sənətkarlardan müğənni sənətinin incəliklərini öyrənir, müntəzəm olaraq hərbi hissələrdə konsertlər verir, el şənliklərinə dəvətlər alır.</p> <p>Elə həmin illərdə Anar adlı bir gənclə tanış olub evlənir. Ailəsi evliliyinə razı olmasa da, eşqin gözü kor olar deyiblər, Şəfa Anarla evlənir. Lakin çox keçmədən, 3 ay sonra sevgisi atəş olub onun özünü yandırmağa başlayır.</p> <p>Həyat yoldaşı Anar "N-brothers" qrupunun ilk solistlərindən biri idi. Evlənəndən çox az sonra kobudluğu, laqeydliyi ilə Şəfanı heyrətləndirir. Qız başa düşür ki, əri alfonsdur, onun pullarını başqa <a rel="nofollow" href="https://xanim.az" title="qadinlar" sayti" target="_blank">qadınlarla</a> əyləncələrə xərcləyir. Şəfa ərindən ayrılsa da, ona olan sevgisi ölmür. "Geri dön" adlı mahnını ona həsr edir, geri dönməsi üçün yalvarır. Anarsa... Bu yanıqlı mahnı ona nə vicdan əzabı verir, nə geri döndürür. Şəfa "Ölə bilərəm", "Sevgi qatarı" mahnılarında da həsrətini, harayını dilə gətirirdi. Mahnılarının musqisini, çox zaman sözlərini də özü yazırdı. Bu sevgi mahnıları o dövrün gənclərinin öz sevgilərini bəyan etmək üçün eyham alətinə, "himninə", dərdlərinin şəfasına çevrilsə də, Şəfanın əlindən uçub getmiş xoşəxtliyini geri gətirmir.<br /> Tez-tez gənc öləcəyini deyərmiş. 30 yaşı tamam olanda ad gününü qeyd etmək istəməyib. Bu yaşdan sonra daha yaşamayacağını, əbədi 30 yaşda qalacağını bilirmiş. </p> <p>Qardaşının dediyinə görə, bir dəfə mahnıya qulaq asa-asa "Mən tezliklə bu dünyadan gedəcəyəm" deyib. İki arzusu var idi. Ana olmaq və sənətinə pərəstiş etdiyi Alim Qasımovdan dərs almaq. Ana ola bilmədi, amma Alim Qasımovun tələbəsi oldu, ondan muğamın incəliklərini öyrəndi. Bunu özü üçün fəxr hesab edirdi.</p> <p>Ölən günə qədər Anarı sevib, onun üçün ağlayırmış. Görünür xəyanətə uğramaq, vəfasızlıqla qarşılaşmaq onun qismətində varmış.</p> <p>Ən yaxın dostlarından biri müğənni Elton Quliyev nə komada olarkən, xəstəxanada can verərkən, nə ölərkən gəlməyib, axtarmayıb. Hətta başsağlığı da verməyib.</p> <p>2005-ci il dekabrın 1-də Şəfa anası və qardaşları ilə Saatlı rayonuna, qohumlarının toyuna gedir. Geri qayıdarkən qardaşı dəhşətli qəza törədir, qəzada yaralanan ana sükan arxasındakı oğlunun öldüyünü sanır və ürəyi tutub ölür. Şəfa da ağır yaralanır, komaya düşür. Qardaşının dediyinə görə, qəzadan sonra hamısı huşsuz vəziyyədə olublar, hadisə yerinə kömək adına gələnlər Şəfanın da, anasının da üstündəki qızılları qarət edib aparıblar. Qardaşı Hüseynlə Şəfa xəstəxanaya yerləşdirilir. Şəfa anasının vəfatından 3 gün sonra, dekabrın 4-də dünyasını dəyişir. Qardaşı onun ölümünü yalnız 40 gün sonra öyrənir. Hüseyn ölən günə qədər onların ölümündə özünü günahlandırırmış.</p> <p>Şəfa getdi, özündən sonra həsrət dolu nəğmələri qaldı. </p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="//www.youtube.com/embed/kWjCnpMRDgk?rel=0&wmode=transparent" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
<h1>ABŞ-nin ən isti səhrasına qar yağdı</h1> <p>Şimali Amerikanın ən isti səhrası olan Sonoraya yağan, lakin xoş qarşılanan qar kameralara tuş gəlib.</p> <p>"Qafqazinfo" xarici KİV-ə istinadən <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, Pulitzer mükafatlı mənzərə fotoqrafı Cek Dykinga martın 2-də kaktusları örtən qarı çəkib.</p> <p>1976-cı ildən Sonora səhrasının fotolarını çəkən Daykinqa deyib ki, 10 ildir bu əraziyə qar yağmayıb.</p> <p>Fotoqraf mənzərənin "tamamilə sehrli və heyrətamiz dərəcədə gözəl" olduğunu qeyd edib.</p>
<h1>Qırğızıstanda 40-dan çox uşaq naməlum səbəbdən zəhərləndi</h1> <p>Qırğızıstanın Oş vilayətində qırxdan çox uşaq naməlum maddədən zəhərlənib, onlardan 18-i xəstəxanaya yerləşdirilib.</p> <p>BAKU.WS tass-a istinadən <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, bu barədə ölkənin Səhiyyə Nazirliyi məlumat yayıb:</p> <p>"Oş vilayətinin Kara-Suu rayonunda 43 uşaq tibbi yardım üçün müraciət edib", - nazirliyin mərkəzi aparatının nümayəndəsi bildirib.</p> <p>Onun sözlərinə görə, zərərçəkənlərə ilkin zəhərlənmə diaqnozu qoyulub. Həkimlər 18 nəfəri xəstəxanaya yerləşdirmək qərarına gəliblər.<br /> Zəhərlənməyə nəyin səbəb olduğu hazırda mütəxəssislər tərəfindən müəyyən edilir.</p>
<h1>Daha bir tiktoker saxlanıldı</h1> <p>"Roşka" ləqəbli ifaçı, tiktoker Rövşən Süleymanov saxlanılıb.</p> <p><a rel="nofollow" href="https://sonxeber.az" title="en" son xeberler 2023" target="_blank">Sonxeber.az</a> "Qaynarinfo"ya istinadən <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, Rövşən Süleymanovun TikTok sosial şəbəkəsində canlı yayımda söyüş və təhqir səsləndirməsi barədə polis orqanlarına müraciət edilib. O bu hərəkətlərini "roshroshka", "barbie_ttl 11" və "Megafan" profili vasitəsi ilə edib. </p> <p>Polis tiktokçunu saxlayıb və barəsində İnzibati Xətalar Məcəlləsinin 510-cu maddəsi ilə inzibati protokol tərtib edib. İş baxılması üçün Nərimanov Rayon Məhkəməsinə aparılıb. </p> <p>Məhkəmənin hakimi 28 mart tarixində polis tərəfindən tərtib edilmiş protokolun və eyni zamanda buna dair materialların 18-ci Polis Şöbəsinə geri qaytarılmasına dair qərar qəbul edib.</p> <p>O, məhkəmə zalından çıxarkən hakimin qərarını əsas gətirərək, polisin ünvanına "yekə kişisən, ayıb olsun, başın xarab olub deyəsən, heç bir səbəb olmadan məni məhkəməyə gətirmisən" ifadələri işlədib. Polislər onu intizama dəvət etsə də, Rövşən protokol yazan polisin ünvanına məhkəmənin inzibati binasının dəhlizində nalayiq ifadələr işlədib. </p> <p>Yenidən məhkəmə qarşısına çıxarılan Rövşən Süleymanov İnzibati Xətalar Məcəlləsinin 510 və 535.1-ci maddələrində nəzərdə tutulan inzibati xətanı törətməkdə təqsirli bilinib və barəsində 20 gün müddətinə inzibati həbs növündə tənbeh tədbiri tətbiq edilib. Həbsetmənin əvvəli 28 mart 2023-cü il saat 20:00-dan hesablanıb. </p> <p>Qeyd edək ki, sosial şəbəkələrdə "Roşka" ləqəbli ifaçı "No girl friend, no problem" adlı klipi ilə tanınıb.</p>
<h1>Roma Papasının vəziyyəti açıqlandı</h1> <p>Xəstəxanaya yerləşdirilən Roma Papası Fransiskin vəziyyəti yaxşılaşmağa doğru gedir.</p> <p> "Qafqazinfo" xarici KİV-ə istinadən <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, hazırda Papanın müalicələri davam edir.</p> <p>Qeyd edək ki, 86 yaşılı Papa Fransisk rutin müayinə üçün xəstəxanaya yerləşdirilib.</p>
<h1>Bred Pitt Los-Ancelesdəki nəhəng malikanəsini görün neçəyə satdı - FOTO</h1> <p>Məşhur Hollivud aktyoru, 59 yaşlı Bred Pitt nəhayət Los-Ancelesdəki nəhəng malikanəsini 39 milyon dollara satıb. Həmin evi o, 1994-cü ildə 1,7 milyon dollara almışdı.</p> <p><a rel="nofollow" href="https://big.az" title="xeberler" son xeberler 2023" target="_blank">BiG.AZ</a> <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, bu barədə "Daily Mail" yazır.</p> <p>Ev bir çox məşhurların yaşadığı mənzərəli Los-Felis bölgəsində yerləşir. Pitt özü heç vaxt bu evdə tək yaşamayıb. Burada o, keçmiş həyat yoldaşları Cennifer Eniston və Ancelina Coli ilə qalıb.</p> <p>Məhz bu evdə Pitt və Coli 2005-ci ildə ilk Milad bayramlarını keçiriblər və 2016-cı ildə boşananadək 6 övladlarını böyüdüblər.</p> <p>1915-ci ildə inşa edilən malikanənin təxminən 1000 kvadratmetr ərazisi var. Burada dörd yataq otağı, dörd hamam otağı, soba kamin, kitabxana, yemək otağı, mətbəx və qonaq otağı var. Ərazidə, həmçinin, kiçik qonaq evi, hovuz, tennis kortu və hətta rolik sürmək üçün meydança mövcuddur.</p> <p><img src="https://cdn.azerforum.com/2023/03/30/11393012.jpg" alt="Bred" pitt los-ancelesdəki nəhəng malikanəsini görün neçəyə satdı - foto" class="imgbcode" />Evin landşaft dizaynı ilə Pitt şəxsən özü məşğul olub və bağını müxtəlif hərraclarda aldığı heykəllərlə bəzəyib. Əvvəl malikanənin ərazisi daha kiçik olub və 1990-cı illərdən bəri Pitt qonşu əraziləri alaraq buranı genişləndirib.</p> <p>Şayiələrə görə, evin satışının səbəblərindən biri Bredin fransız model və dizayner İnes de Ramon ilə sevgi münasibətləridir. Aktyor Coli ilə uğursuz evliliyi barədə xatırlamadan, yeni həyata yeni məkada başlamaq istəyir.</p> <p><img src="https://cdn.azerforum.com/2023/03/30/11393013.jpg" alt="Bred" pitt los-ancelesdəki nəhəng malikanəsini görün neçəyə satdı - foto" class="imgbcode" />Bundan başqa, Pittin keçmiş həyat yoldaşı da qonşuluqda yaşayır: boşandıqdan sonra Ancelina Los-Felisdə 25 milyon dollara ev alıb.</p> <p><img src="https://cdn.azerforum.com/2023/03/30/11393014.jpg" alt="Bred" pitt los-ancelesdəki nəhəng malikanəsini görün neçəyə satdı - foto" class="imgbcode" /><img src="https://cdn.azerforum.com/2023/03/30/11393015.jpg" alt="Bred" pitt los-ancelesdəki nəhəng malikanəsini görün neçəyə satdı - foto" class="imgbcode" /></p>
<h1>"Xəzər"in canlı efirinə pələng gətirildi</h1> <p>Xəzər TV-nin canlı efirində maraqlı anlar yaşanıb.</p> <p>OLAY yazır ki, "Xəzər axşamı" verilişinə Bakı Dövlət Sirkinin əməkdaşları dəvət edilib.</p> <p>İrəliləyən dəqiqələrdə isə canlı efirə pələng gətirilib.</p> <p>Bundan qorxan proqramın qonağı Əməkdar artist Elza Seyidcahan pələng gedənə qədər studiyadan uzaqlaşıb.</p> <p>Aparıcı İslam Mehrəliyev də qorxduğunu bildirsə də, Mətanət Əliverdiyeva cəsarəti ilə diqqət çəkib.</p> <p>Həmin anları təqdim edirik:</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="//ok.ru/videoembed/4691373132297" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
<h1>Hava ilə bağlı XƏBƏRDARLIQ - Bu tarixdə temperatur 10 dərəcə aşağı düşəcək</h1> <p>Martın 30-u axşamdan aprelin 1-i günün ikinci yarısınadək Bakıda və Abşeron yarımadasında şimal-qərb küləyinin 18-23 m/s, arabir 25-30 m/s, 30-u axşam, 31-i gecə və səhər yarımadanın bəzi yerlərində arabir 33-38 m/s-dək güclənəcəyi gözlənilir.</p> <p>Milli Hidrometeorologiya <a rel="nofollow" href="https://xidmetler.az" title="xidmetler" target="_blank">Xidmətindən</a> verilən məlumata görə, martın 31-i gün ərzində fasilələrlə yağıntılı olacağı, yarımadanın bəzi yerlərində arabir intensivləşəcəyi gözlənilir.</p> <p>Martın 31-i axşam Abşeron yarımadasının əsasən şimalında yağışın qısa müddətə sulu qara keçəcəyi ehtimalı var. Yağıntılı hava şəraiti aprelin 3-ü səhərədək davam edəcək. Havanın temperaturu ötən günlərlə müqayisədə tədricən 5-10° aşağı enəcək.</p> <p>Bundan başqa, martın 30-da Azərbaycanın şimal və qərb rayonlarından başlayaraq hava şəraitinin dəyişəcəyi, arabir yağıntılı olacağı, dağlıq və dağətəyi rayonlarda qar yağacağı, Böyük və Kiçik Qafqazın bəzi ərazilərində yağıntıların intensivləşəcəyi gözlənilir. Martın 31-də isə yağıntıların əksər rayonları əhatə edəcəyi, bəzi yerlərdə intensiv olacağı, sulu qar, qar yağacağı gözlənilir. Aprelin 1-də günün ikinci yarısında yağıntıların intensivliyi azalacaq, axşama doğru isə tədricən kəsiləcək. Bəzi yerlərdə dolu düşəcəyi ehtimalı var.</p> <p>Qərb küləyi 15-20 m/s, arabir 25-30 m/s, 30-u axşam, 31-də gecə və səhər bəzi yerlərdə arabir 33-38 m/s-dək güclənəcək. Havanın temperaturu ötən günlərlə müqayisədə tədricən 8-10° aşağı enəcək.</p> <p>Çaylarda sululuğun artacağı, bəzi dağ çaylarından qısamüddətli daşqın keçəcəyi ehtimalı var.</p>
<h1>Cavanşir Məmmədovun eks-kürəkəninə bu maddələr üzrə hökm oxundu</h1> <p>Binəqədi Rayon Məhkəməsində əməkdar artist Cavanşir Məmmədovun qızı Xatirə Məmmədovanın qeyri-rəsmi nikah münasibətində olduğu keçmiş həyat yoldaşı, 1980-ci il təvəllüdlü Mustafa İbili barəsindəki xüsusi ittiham qaydasındakı şikayətinə baxılıb.</p> <p>"Qafqazinfo" <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, X.Məmmədova keçmiş həyat yoldaşının Cinayət Məcəlləsinin 147 (Böhtan) və 148-ci (Təhqir) maddələri ilə cəzalandırılmasını tələb edib.</p> <p>X.Məmmədova bildirib ki, M.İbili dələduzluq edərək atası Cavanşir Məmmədova 170 000 manat, anası Rəfiqə Qafarovaya 59 000 manat və Rüfət Əhmədova 10 000 manat ziyan vurmaqla təkrar dələduzluq edib. Bakı Şəhər Baş Polis İdarəsində aparılan cinayət işinin ibtidai istintaqı tamamlanaraq Bakı Ağır Cinayətlər Məhkəməsinə göndərilib və hazırda məhkəmə istintaqı davam edir. Həmin iş üzrə X.Məmmədova şahid qismində ifadə verdiyi gün M.İbili jurnalistlərə müsahibə verərək keçmiş arvadının dələduzluq etdiyini iddia edib: "İbili yalan olduğunu bilə-bilə şərəf və ləyaqətimi ləkələyən, nüfuzdan salan məlumatları kütləvi informasiya vasitələrində yayıb".</p> <p>Məhkəmə M.İbiliyə Cinayət Məcəlləsinin 147-ci maddəsi üzrə bəraət verib. O 148-ci, yəni təhqir əməli üzrə təqsirli bilinərək 1000 manat cərimə edilib.</p> <p>Qeyd edək ki, Mustafa İbili eyni zamanda Bakı Ağır Cinayətlər Məhkəməsində Cinayət Məcəlləsinin 178.3.2 (külli miqdarda ziyan vurmaqla dələduzluq) maddəsilə ittiham olunur. Bu maddədə 10 ilə qədər həbs cəzası nəzərdə tutulub. Lakin o, özünü təqsirli bilmir. Əksinə, özünü zərərçəkmiş hesab edir.</p>
<h1>MN-dən Heydəriyə cavab: "Ermənistanın iki əsas müttəfiqi varsa, onlardan biri Fransa, ikinci isə İrandır"</h1> <p>İran İslam Respublikası Ordusunun Quru Qoşunlarının Komandanı Kiomərs Heydəri tərəfindən Azərbaycana münasibətdə çirkin iftira və böhtan xarakterli fikirlər səsləndirilmişdir.</p> <p>Oxu.az <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, bu barədə Azərbaycan Respublikası Müdafiə Nazirliyinin məlumatında qeyd olunub.</p> <p>K.Heydəri öz cəfəng fikirlərində Azərbaycanda guya "sionist" qüvvələrin olması və 44 günlük Vətən müharibəsində Azərbaycanın Suriyadan gətirilən İŞİD terroristlərindən istifadə etdiyini və onların hələ də ölkə ərazisində olduğunu iddia edir. O eyni zamanda İran tərəfindən Ermənistan ilə sərhəddə dəyişikliklərə icazə verilməyəcəyini deyir.</p> <p>Öncə bildiririk ki, Azərbaycan Respublikası ərazisində hər hansı xarici qüvvələrin olması haqqında İran tərəfinin ittihamı əsassızdır və tamamilə qəbuledilməzdir. Ümumiyyətlə, Azərbaycan Respublikasının ərazisində kənar elementlər mövcud deyildir.</p> <p>K.Heydəriyə xatırlatmaq istərdik ki, Ermənistan 30 il ərzində Azərbaycan ərazilərini işğal altında saxlamışdır. Bu hərbi təcavüz nəticəsində Azərbaycan-İran dövlət sərhədinin 132 kilometrlik hissəsi də işğal edilmişdi. Lakin, İran tərəfi bir dəfə də olsun Ermənistana münasibətdə ittihamedici açıqlama verməmişdir. Əksinə bu dövr ərzində İran-Ermənistan qardaşlığı daha da güclənmişdir. Bu gün də heç kimə sirr deyil ki, Ermənistanın dünyada iki əsas müttəfiqi varsa, onlardan biri Fransa, ikinci isə İrandır.</p> <p>Azərbaycan Respublikası bütün ölkələrin ərazi bütövlüyünü dəstəkləyir və dövlətlərin daxili işlərinə qarışmır.</p> <p>44 günlük Vətən müharibəsində Azərbaycanın guya İŞİD terrorçularından istifadə etməsinə dair ittihama cavab olaraq bildiririk ki, Şanlı Azərbaycan Ordusu təkbaşına torpaqlarımızı işğaldan azad edərək zəfər salnaməsi yazmışdır. Bu iddia cəfəng ittiham və iftiradan başqa bir şey deyildir. Bu ittihamın məhz terrorizmi dəstəkləyən və adı dünyanın müxtəlif ölkələrində terror əməllərinin törədilməsində keçən dövlətin yüksək çinli hərbçisi tərəfindən irəli sürülməsi istehza və gülüş doğurur.</p>
<h1>Ətir fabrikində yanğın oldu - VİDEO</h1> <p>Türkiyənin Tekirdağ şəhərində ətir fabrikində yanğın olub.</p> <p><a rel="nofollow" href="https://sonxeber.az" title="en" son xeberler 2023" target="_blank">Sonxeber.az</a> <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, yanğının fabrikin anbar hissəsində baş verdiyi ehtimal edilir. </p> <p>Hadisə yerinə çoxsaylı polis və yanğınsöndürənlər cəlb olunub.</p> <p>Yanğının baş vermə səbəbi məlum deyil. </p> <p>Yanğın nəzarət alınaraq söndürülüb.</p> <p>Hadisə yerindən olan görüntüləri təqdim edirik:</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="//www.trthaber.com/dosyalar/videolar/32812b8680fe1ceb97cfcc870b86dcbd.mp4" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
<h1>Türkiyədə küçələri su basdı - VİDEO</h1> <p>Türkiyənin Hatay şəhərində davamlı yağışlar nəticəsində su dəniz səviyyəsindən yüksəlib. </p> <p><a rel="nofollow" href="https://sonxeber.az" title="en" son xeberler 2023" target="_blank">Sonxeber.az</a> <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, hadisə nəticəsində küçələri su basıb.</p> <p>Hadisə zamanı nəqliyyatın hərəkəti çətinləşib.</p> <p>Ərazidəki vəziyyət dron vasitəsi ilə qeydə alınıb.</p> <p>Sözügedən görüntüləri təqdim edirik:</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="//www.trthaber.com/dosyalar/videolar/a7908fdf42c565dfbad6dc5a376e27fb.mp4" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
<h1>8 il sonra insanlar "ölümsüz" olacaqlar - Xərçəngə tutulmayacaqlar</h1> <p>"Google"un keçmiş mühəndisi, amerikalı Rey Kurtzveyl sensassiyaya səbəb olacaq açıqlama verib.</p> <p>BAKU.WS xarici KİV-ə istinadən <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, kompüter elmləri mühəndisi yaxın zamanlarda texnologiyanın sürətlə inkişaf edəcəyini və "Təklik" (süni intellektin insan zəkasından üstün olduğunu nöqteyi-nəzəri təsvir edən bir konsepsiya) adlanan vəziyyətin insanların əbədi yaşamasına kömək edəcəyini deyib:</p> <p>"İnsanların səkkiz ildən sonra "ölümsüzlük" əldə edəcəyini proqnozlaşdırırıq. Nanotexnologiya və robototexnika sahəsindəki inkişaflar qocalmanın qarşısnı alan "nanobotlara" səbəb olacaq. Bu miniatür robotlar yaşlanma səbəbilə bədəndə parçalanan və zədələnmiş hüceyrələri, toxumaları bərpa edəcək. Bununla da, insanlar xərçəng kimi xəstəliyə qarşı güclü immunitet əldə edəcək və bu xəstəliyə tutulmayacaq".</p> <p>Özünü həm də futurist (XX əsrin 10-20-ci illərində Avropa ədəbiyyatında avanqard cərəyan) adlandıran Rey Kurtzveyl, bu texnoloji yeniliyin artıq 2029-cu ildə testdən keçəcəyini bildirib.<br /> Bunun üçün isə "Turing" testi tətbiq ediləcək. "Turing" bir texnologiyanı insandan fərqləndirmək üçün ekvivalent və ya çox ağıllı davranış nümayiş etdirmə qabiliyyətini ölçən testdir.</p> <p>2045-ci ilə qədər isə yeni texnologiya tamlıqla hazır olacaq.</p> <p>"21-ci əsrin ikinci onilliyində laboratoriyalarda yetişdirilən orqanları görürük. Növbəti səkkiz il ərzində qocalmanın qarşısını ala bilən nanobotları da görəcəyik. Beləliklə, insanlar xərçəng kimi ölümcül xəstəlikdən qorunacaqlar", - deyə Kurtzveyl bildirib.</p>
<h1>Türkiyədə mikroavtobus aşdı: 1 ölü, 8 yaralı</h1> <p>Türkiyənin Sivas şəhərində mikroavtobus aşdı.</p> <p><a rel="nofollow" href="https://sonxeber.az" title="en" son xeberler 2023" target="_blank">Sonxeber.az</a> <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki,qəza nəticəsində 1 nəfər ölüb, 8 nəfər yaralanıb.</p> <p>Hadisə yerinə polis və təcili tibbi yardım əməkdaşları cəlb olunub.</p> <p>Sürücünün xəstəxanaya aparılarkən öldüyü bildirilib.</p> <p>Faktla bağlı araşdırmalar davam edir.</p>
<h1>Övladının adını dəyişdirib "Niyə?" etdi</h1> <p>İlon Mask və kanadalı müğənni Qrayms ikinci övladlarının adını dəyişdirib.</p> <p>OLAY yazır ki, 35 yaşlı müğənni bildirib ki, qızlarının adı artıq "Why"dır (Niyə?), qısa olaraq isə onu Y kimi çağırırlar.</p> <p>Öncəki adı Ekza Dark Saydril Mask olan uşaq artıq Y adlanacaq.</p> <p>Qeyd edək ki, cütlüyün eyni zamanda 2 yaşında oğlu da var. Onlar ilk övladlarına X Æ A-Xii adını qoymuşdular. Oğullarını isə X (iks) deyə səsləyirlər.</p> <p>Onu da bildirək ki, 8 uşaq atası olan Maskın Castayn Uilsonla evliyindən 19 yaşında Criffin və Xavier adlı əkizləri var. Xavier cinsiyyətini dəyişdirmə qərarı alaraq adını da Vivan Cenna Uilson olaraq dəyişdirib. Uilson-Mask sabiq cütlüyünün eyni zamanda 17 yaşında Demian, Sakson və Kay adlı üçəmləri də var.</p> <p>İlonun Şivon Zilislə münasibətindən isə 2021-ci ildə əkizləri dünyaya gəlib.<br /> <img src="https://cdn.azerforum.com/2023/03/30/11391741.jpg" alt="Övladının" adını dəyişdirib "niyə?" etdi" class="imgbcode" /></p>
<h1>Suriyada fırtına oldu: 4 ölü</h1> <p>Suriyada hava şəraitinin kəskin dəyişməsi ilə fırtına olub.</p> <p><a rel="nofollow" href="https://sonxeber.az" title="en" son xeberler 2023" target="_blank">Sonxeber.az</a> <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, mövcud hava şəraiti əlaqədar 2-si uşaq olmaqla 4 nəfər ölüb.</p> <p>Fırtına nəticəsində evlərin damları uçub, bəzi evlərin divarları dağıdılıb.</p> <p>Bəzi nəqliyyat vasitələri binalardan daş və dağıntıların düşməsi səbəbindən ciddi ziyan görüb. </p> <p>Fırtınaya görə Suriyanın Aralıq dənizindəki bütün limanlarında nəqliyyatın hərəkətini dayandırılıb.</p> <p>Çadırlarda yaşayan insanlar üçün çətin anlar yaşanıb.</p> <p>Hadisə yerindən olan görüntüləri təqdim edirik:</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="//www.trthaber.com/dosyalar/videolar/4fe853f6dce806cd5f0551457b20dc9b.mp4" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
