Bu il Türkiyədən mənzil alan azərbaycanlıların sayı məlum oldu

Cari ilin ilk dörd ayı ərzində xarici vətəndaşların Türkiyədə daşınmaz əmlak alması 19 faiz artıb.

Qaynarinfo xəbər verir ki, bu barədə Türkiyənin Statistika Komitəsi məlumat yayıb.

Bildirilib ki, COVID-19 pandemiyasına baxmayaraq, 2021-ci ilin yanvar-aprel ayları ərzində Türkiyədə xarici vətəndaşlara 13 954 mənzil satılıb. Ən çox satış aprel ayında qeydə alınıb.

Məlumata görə, keçən ay qardaş ölkədə xarici vətəndaşlara mənzil satışı əvvəlki ilin eyni dövrü ilə müqayisədə xeyli artıb. Belə ki, ən çox mənzil İstanbulda alınıb. Satışların yaz ayları ərzində daha da artacağı gözlənilir.

Qeyd edək ki, bu dövrdə azərbaycanlılar Türkiyədə 382 mənzil alıblar. Siyahıda ilk sırada 2156 mənzillə İran vətəndaşları yer alıb. Ümumiyyətlə isə 2021-ci ilin ilk dörd ayı ərzində Türkiyədə mənzil sahibi olanlar arasında İraq, Rusiya, Əfqanıstan, Qazaxıstan, Almaniya və digər ölkə vətəndaşları da var.

 
0
155
1
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar